Аукциондық сауда-саттықтар арқылы ЖЭК нысандарының құрылысы жобаларын іріктеу
«KAZAKH INVEST» ҰК» АҚ Қазақстан Республикасында жаңартылатын энергия көздері (ЖЭК) нысандарының құрылысы жобаларын іріктеу бойынша аукциондық сауда-саттықтарға қатысуға шақырады.
Қазақстан Республикасының Энергетика министрінің 2025 жылғы 4 наурыздағы № 117-н/қ бұйрығына сәйкес 2025 жылға арналған аукциондық сауда-саттықтарды өткізу кестесі бекітілді, ол жалпы қуаты 1810 МВт болатын күн, жел, су және биогаз электр станцияларының құрылыс жобаларын қамтиды. Кесте «KOREM» АҚ және Қазақстан Республикасының Энергетика министрлігінің ресми интернет-ресурстарында жарияланған.
2025 жылғы 15 сәуірде Қазақстанның Біртұтас энергетикалық жүйесінің Солтүстік аймағында энергия сақтау жүйесі бар жел электр станциясын салу бойынша алғашқы аукцион өтеді, жалпы орнатылған қуаты 1000 МВт.
Жаңартылатын энергия көздері нысандарын іске асыру мерзімдері:
• Күн электр станциялары (КЭС) – 24 ай.
• Жел электр станциялары (ЖЭС) және биогазбен жұмыс істейтін электр станциялары (БиоЭС) – 36 ай.
• Су электр станциялары (СЭС) – 60 ай.
Аукциондық сауда-саттықтарға қатысу жеңімпаздармен РРА келісімшарттары бойынша өндірілетін электр энергиясын кепілдендірілген сатып алуға мүмкіндік береді. Жобаларды іске асыруға мүдделі барлық инвесторлар Қазақстан Республикасы заңнамасына сәйкес мемлекеттік қолдау шараларынан пайдалана алады.
Толық ақпарат сайтта орналастырылған: www.korem.kz
